計數機當鋼琴！鄧紫棋獻技助隊友通關

「宇宙巨肺」歌手鄧紫棋（G.E.M.）不但唱功出色，琴技亦相當了得，自4歲已經學琴，13歲更已完成英國皇家鋼琴檢定考試八級，並親自創作不少經典作品。近日佢亮相內地綜藝節目《奇異劇本鯊》，就再次展現彈琴神技！節目中一眾嘉賓需要通過不同嘅遊戲關卡，其中一關只見枱上放有多份樂壇及一部會發出聲效嘅計數機，眾人即猜測要用計數機彈奏以獲得情報。

當時同隊精通鋼琴嘅TFBOYS成員王源躍躍欲試，豈料當佢尚在摸索階段時，G.E.M.竟然「零秒上手」，一氣呵成連彈3首歌，協助眾人破解任務，認真係「神隊友」！網友即大讚佢不愧為音樂才女，完全將計數機當成鋼琴，而G.E.M.亦笑指：「大家好，這是我的新樂器。」