健身男唔睇女 原因竟然係……

2021年09月15日 23:00
東網電視
更多新聞短片
若然喺健身室遇到身材健美又性感嘅索女,係咪真係唔會望呢?(互聯網)
男人見到樣靚身材正嘅索女,都一定會望多兩眼,尤其喺健身室做運動嘅美女,個個都穿着緊身運動服,凸顯身材曲線,性感又火辣。不過,早前有美國網民就此霸氣回應話,去健身室嘅男士係唔會睇女士們嘅身材,結果獲大量男網民認同,唔知大家又點睇呢?另外,外國有調查顯示,講嘢「鬼食泥」嘅男士,原來最受女士歡迎,真係估佢唔到!
霸氣大平反
男人去健身室,係咪真係會望實運動中嘅性感索女呢?為咗方便運動,女士們都會着上緊身運動服、瑜伽褲等,展露曲線玲瓏嘅身材,難免會吸引男士嘅目光,就此喺網上成為女士間熱烈討論嘅話題,甚至有人教授女士們喺健身室保護自己嘅方法。
對此,早前有位美國男網民「returnofjuicebox」就霸氣回應,話喺健身室認真鍛煉做運動嘅男士,絕大部分都係會睇比自己身材健碩嘅肌肉猛男,而唔係着緊身褲身材前凸後趷嘅女士,目的係作為自己嘅鍛煉目標,結果獲得大量男網民認同,更大讚話為男士嘅負面形象嚟個大平反,當中有網民就話最討厭嗰啲遮遮掩掩,以為好多男人望佢嘅女人,亦有人話每次去健身室見到女生都會擰轉面,以免對方誤會惹麻煩。但話說回來,若然喺健身室遇到今年29歲,嚟自西班牙嘅健美模特兒兼網紅Cristina Gilabert,各位男士係咪真係會唔望呢?
推出最後寫真
資深嘅AV迷一定會識得川上奈奈美,1992年10月14日出生嘅佢,喺2012年1月以Alice Japan專屬女優身份出道,雖然身材屬於貧乳系,但係憑住一副可愛萌味嘅面孔而吸引唔少AV迷。除咗拍AV之外,佢又會寫AV評論。2015年5月更從事脫衣舞演出,同年6月推出個人單曲,及後月更成為「惠比壽★麝香葡萄」嘅副隊長。
早前佢宣布將會喺明年1月引退以及會退出脫衣舞界,並表示會專注拍電影,而為報答粉絲多年嘅支持,佢會推出最後一本寫真集,並喺日本眾籌網站Campfire籌募製作費,目標係180萬日圓,現在距離限期仲有個幾月時間,相信目標唔難達到。
鬼食泥咁聲更吸引?
我哋會用「鬼食泥咁」嚟形容啲人說話時發音唔清楚,而喺傳統觀念上,若然男人講嘢講成咁,應該好難吸引到女性。不過早前美國一項調查結果卻發現講嘢「鬼食泥」嘅男士,竟然對女性特別有吸引力!
呢項由美國加州大學進行嘅調查,先將42名男女志願者嘅說話聲音錄低,然後分別播放畀異性參與者聽,睇吓邊種說話嘅聲音對佢哋零舍吸引,結果大部分女士認忍講嘢「鬼食泥」嘅男士最具魅力,覺得佢哋更有男子氣慨;相反,男士卻覺得話音清晰嘅女士最吸引。據調查負責人Daniel Stehr博士解釋,從兩性選擇角度嚟睇,女士會覺得與別不同嘅男士更具吸引力。