唔敢同細佬打交　戴祖儀學拳驚愈打愈粗魯

藝人戴祖儀日前接受東網訪問時，坦言今年會定下新目標就是學功夫，之前她都有去打拳，問是否想做打女時，她坦言：「暫時未有咁嘅機會，但想向呢方向挑戰吓，所以趁早學定先，其實我由細到大都想學，但驚愈打愈粗魯，今年諗住學定，到時有機會用到就可以表現好啲。」問她小時候有否接觸過空手道、跆拳道時？她笑言：「冇呀！完全冇，本身已經好女漢子，如果學埋功夫細佬就唔得掂！（有冇同細佬打交？）咁又冇！我同佢都只係鬧交，唔會打交，但最終佢都唔夠我鬧，所以佢性格啱啱同我相反，好文靜、又有耐性，由小就畀我培養到好好男人嘅性格。我好錫佢嘅，不過佢應該慶幸我今年先學打拳。」