黃日華關寶慧半個月約會2次　有機會發展？

藝人黃日華日前60歲生日，連日嚟都有好多朋友同佢慶祝，人緣好好！而好友關寶慧半個月內同黃日華約會咗兩次，關寶慧喺社交網晒出同黃日華嘅合照，見兩人黐到好埋，仲笑容滿面，心情好似好靚咁，關寶慧留言：「補祝兒時偶像生日快樂！」

其實關寶慧早年受訪時提過擇偶條件，佢自爆十分迷戀四眼仔，同埋唔接受姊弟戀，又話接受對象係失婚人士，咦！黃日華符合上以上條件，唔知佢哋有冇機會發展呢？