孖蔡嘉欣晒名牌袋 陳詩欣唔怕被寸拜金

20210916
東網電視
更多新聞短片
藝人蔡嘉欣是非多多,一時被批拜金,一時就畀李家鼎寸「好招積」,新聞多多!不過蔡嘉欣一於懶理是非,日前就搵嚟好姊妹陳詩欣,一齊拍片晒名牌包包!陳詩欣就拎咗佢人生第一個H字頭名牌嘅手袋上嚟,佢話呢個手袋係好搶手嘅顏色,蔡嘉欣都投以羨慕嘅目光!陳詩欣又爆料,話不時見到蔡嘉欣拎住名牌手袋入廠,仲話:「就算佢拎住呢個袋開工,都唔會覺得佢特登炫富!」
最後,蔡嘉欣都知自己成日畀人話拜金炫富,佢都擔心陳詩欣被牽連:「多謝陳詩欣甘願冒住呢個被Label拜金嘅名嚟同我拍呢條片,陣間啲人話我拜金啦,話埋你拜金。」陳詩欣笑爆話:「唔驚呀!我咪話蔡嘉欣教我㗎囉!」