前經理人放料　范冰冰40歲生日攬啜新仔

內地女星范冰冰演藝事業毫無起色，更被外界定為「劣迹藝人」，最近廣電總局更抵制違法失德藝人網絡發聲出鏡，似乎連佢「後路」都斷埋。面對幕前工作多波折，范冰冰都依然從容面對，今日（16日）更加係佢40歲生日，其前經理人楊天真就晒出多張大合照，原來佢哋私下已經搞咗微型生日P，搵埋一位男設計師好友為冰冰送上愛的祝福！

楊天真準時上載祝福：「你這女人已經四十歲了！要一直美下去！我們已經相伴半生，願下半生也一直相伴。」今時今日都仲咁有心公開賀老友，都真係唔話得。而合照中，網友就發現范冰冰同位男設計師鬼咁Close，又攬又啜又挨膊頭，不過網友就估計對方似係「閨蜜」多過新男友，仲順勢祝佢早日搵到下一位，可以成功走出單身魔咒。