畀吳卓羲請食檸檬 菊梓喬典床典席玩失眠

20210916
東網電視
更多新聞短片
藝人吳卓羲日前凌晨突然網上「洩蜜」,Tag咗一個空白Post畀歌手菊梓喬,隨即惹來外界揣測要公開戀情,不過男方就即時否認,仲反問:「咁Tag完咪要結婚?」而被緋聞男友拒認愛嘅菊梓喬,亦表現「配合」話感情事唔講。
不過,佢似乎略有心事,尋晚(15號)深夜出Post發「床照」,着上吊帶背心、趴喺床上典來典去,而且面冇表情,似乎有啲心事咁,並以英文留言:「喜歡這寧靜的晚上。」不過網民似乎將重點放喺佢個心口度,趴喺度露出小山谷,仲向鏡頭嘟嘴送吻,難怪吸引大批網民畀Like,亦有網友紛紛留言慰問佢,勸籲佢要早啲休息,唔好咁夜瞓,先可以Keep住皮膚靚靚。