陳美齡開騷大壓力 獲親友鼎力支持好感動

2021年09月16日 21:38
東網電視
更多新聞短片
藝人陳美齡今日(16日)現身電台節目,近日完成兩場香港演唱會的她表示十分感動:「雖然我入行50年,但中間有好長時間唔喺香港,香港歌迷仲係好支持我,反應好熱烈,令我覺得好溫暖。(會唔會再開騷?)我為今次演唱會閉門操練得好緊要,唱咗30首歌,其中有18首歌係第一次唱,我唱日本歌比較多,唱廣東話歌同日文歌嘅聲線唔同,我要重新練習,而且我要唱得比50年前好聽,畀咗自己好大壓力。(畀自己幾多分?)自己加埋成個團隊同觀眾,我要畀A。有首歌係全場觀眾大合唱,大家唱得好好,另一首歌《漓江曲》係我同小提琴家姚珏合作,效果好震撼。就算新歌都有好多人支持,連我最奄尖嘅朋友都話好聽。」
她稱演唱會稍後會推出DVD,讓身在外地的老公及兒子也可以欣賞:「我要見到熟人喺現場,我先會定啲,我家姐特登着件超粉紅嘅衫嚟睇,等我一眼就認到佢,啲好姊妹又不停向我揮手。我家姐知緊張,有日嚟我屋企陪我練歌。(老公唔喺香港,佢點鼓勵你?)佢經常都話我無論點緊張,一到正式就有超水準表現,我信佢呢句說話。」
另外,她透露稍後便要回日本工作,待11月再返港為新歌宣傳及為母親慶祝生日,之後才回美國親望兒子:「我喺美國過完聖誕又要趕返日本,因為1月會喺當地舉行入行50周年演唱會,只係開一場,主辦商真係好好,因為依家場館限定可以坐一半人,所以一定蝕本,但都仲肯幫我開騷。」