陳庭欣力撐宋宛穎奪港姐冠軍：全部人100%投票畀佢

前港姐冠軍陳庭欣（Toby）於今屆港姐賽事結束後，偕同拍檔區永權主持節目《2021香港小姐最美傳奇》，與四位得獎佳麗大談參賽點滴，並即時訪問她們獲獎感受，她接受東網訪問時表示：「當晚好趕，節目一完結，幾位佳麗心情雖然未定到，但睇到佢哋嗰份喜悅，最開心係好難得集齊晒4位港姐合照，記得佢哋做完節目又要急急腳走，我哋叫工作人員畀半秒時間，先至影到張合照。」

談到有指宋宛穎爆冷奪冠，Toby並不認同，她力撐師妹說：「雖然我成晚喺另一個錄影廠做嘢，睇唔晒成個騷，但對宋宛穎印象好深，佢好大方，又高大又靚女，上次準決賽問答環節嘅水果論，我哋全部人係100%投票畀佢，真係答得好好，所以最後佢成為冠軍恭喜佢，絕對係實至名歸。」