楊紫瓊晒《尚氣》幕後合照　梁朝偉元華鬥精靈

首部由華人擔正的漫威（Marvel）超級英雄電影《尚氣與十環幫傳奇》（Shang-Chi and the Legend of the Ten Rings）全球大收旺場，當中就有多位香港藝人有份做主角，好似梁朝偉、元華、陳法拉等，又有香港人熟悉嘅武打女星楊紫瓊，真係好有睇港產片嘅Feel！唔講唔知，原來楊紫瓊同梁朝偉、元華已經好多年冇合作，今次佢哋有機會聚首，當然要好好爭取時間見面，當中楊紫瓊就晒出同新片眾演員嘅大合照，見梁朝偉側頭對鏡頭發射電眼，仲咪起個嘴仔，鬼咁Cutie，而元華雖然白髮加白鬚上陣，不過都仲好精靈咁直豎姆指，個樣紅卜卜咁，唔知係咪已經幾杯落肚呢？

楊紫瓊又Post出多年前同二人合作嘅舊合照，三人Young爆又靚仔靚女，當年楊紫瓊仲同梁朝偉頭貼頭咁搞鬼合照，喺梁朝偉頭頂舉V；佢同元華就似係90年度清純打扮，眾人多年嚟感情都咁好，確係唔話得！