張敬軒玩估歌仔晒最強畫功 竟然冇啦啦爆粗X泳兒？
20210917
東網電視
更多新聞短片
歌手張敬軒與同門嘅泳兒好老友，軒仔接受對方挑戰玩「猜猜畫畫估歌仔」，佢先做估嗰個，包括要猜出自己兩首歌《Sweet Escape》及《酷愛》，雖然搞到軒仔頭都大埋怒吼：「邊個畫㗎啲畫？」但「皇上」咁聰明當然好快估中啦！
之後就到軒仔操刀畫畫，佢要畫出代表泳兒首新歌《荊棘海》，雖然有難度但依然難唔倒軒仔，連泳兒都大讚佢畫功出色：「係最好！」最後軒仔畫出中國風作品，以「經」代表荊，真係令人拍爛手掌！
而期間泳兒有一刻張櫈「啪」咗下，有網民問：「係唔係我聽錯，點解我聽到軒叔講『喂，坐穩喎X你』嘅?」軒仔竟然冇啦啦X泳兒？泳兒睇到留言就回覆：「佢話『坐穩喎做咩你』！」嚇死人咩，不過聽多次，又真係幾似X你嘅！