關曉彤賀24歲開胸落肚臍　網友：鹿晗最幸福

內地男星鹿晗同關曉彤自公開戀情以嚟，大家都睇好佢哋會結婚生仔，仲多次傳出二人已經秘婚，但其實去到今日（17日）關曉彤都只係24歲生日，大把時間去Plan事業同愛情，今日一早佢仲賣大包晒出一批靚靚新相，留言：「給24歲，努力向上，快樂生活。給你們，美好相伴，向光彤行❤️ ​​​」

相中佢以白色Lace開胸上衣襯牛仔熱褲，明顯想Show off！佢着住呢身Sexy Look去到郊區狂影寫真，需要佢晒出嘅相中，每次影到正面佢都用對手遮住事業線，不過佢都好識做，影全身相時就見到中門大開，性感程度直達100%。唔少網友見到都大嗌有驚喜，仲話估唔到女神會咁大方，不過亦有網友反問佢着到咁，男友鹿晗知唔知，又笑言鹿晗真係人生大贏家，有名氣仲有位咁索嘅嫩口女朋友，真係令人鬼咁羨慕。

另外鹿晗亦連續4年00時00分為女友送上生日祝福，而明明咁多人都祝關曉彤生日快樂，佢就淨係覆咗男友個Message，係Sweet嘅。