張晉為妻推Job！蔡少芬生日化身公主被花海包圍

藝人蔡少芬（Ada）同老公張晉近年喺內地發展得有聲有色，而張晉最近就憑真人騷《披荊斬棘的哥哥》爆紅，工作接踵而來，不過佢捨得連錢都唔賺，究竟點解？之唔係為咗老婆囉！今日（17日）48歲生日嘅Ada喺社交網大放閃光彈，晒出多張燭光晚餐照，兩人又攬又錫，原來張晉為佢悉心安排生日飯又送生日禮物，萬千寵愛在一身嘅Ada被花海包圍似足公主咁！

Ada留言：「太感動、感恩了，第二年在上海過我的生日，這次竟然有生日禮物，燭光晚餐（謝謝朋友安排！❤️），真的真的好快樂！謝謝老公愛人本來有工作都推掉，陪伴我今晚和17號的正日！真的太感恩了！愛你愛你！」唔少網民都佩服佢哋，結婚10幾年都咁有情趣！