迪麗熱巴新劇瘋狂被劇透反被指博宣傳　龔俊即場踢爆

被封「新疆四美」之一嘅內地女星迪麗熱巴，依家同小鮮肉龔俊、劉宇寧等齊齊主演新劇《安樂傳》，目前眾人都仍係拍攝中，不過連月嚟就出現大量男女主角嘅唔同服飾、場景嘅「路透相」流出，搞到未拍完大家都已經望過晒片中造型，更有人指呢啲都係劇組宣傳手法，主動劇透引大眾目光，同為男女主角「炒CP」。

最近龔俊接受內地傳媒採訪時，就幫手澄清網上流出嘅都唔係劇方主動劇透：「這些路透真的不是我們透的。」仲爆料指全部都係代拍嘅「傑作」，仲危險性十足：「那些代拍太厲害了，在我們劇組的景裏面，他能鑽到假山里。他提前先跑到我們攝影棚裏面，然後藏在假山裏，挖洞進去。」對於代拍嘅瘋狂行徑，龔俊非常唔認同，更大嗌危險：「躲到假山，很危險，不能這樣。」