鄧英敏點名讚圈中主持 陸浩明崔建邦有份!

20210917
東網電視
更多新聞短片
藝人鄧英敏與劉錫賢今午(17日)現身馬鞍山一社企超市,向街坊送上中秋福袋。活動中鄧英敏不忘發揮金牌司儀本色,即場創作活動口號,問他是否一早想好,他説:「啱啱諗嘅,呢啲江湖伎倆嚟,攞個押韻,都係經驗累積啫,每個人都得嘅。」問他對新一代司儀睇法,他點名盛讚幾位圈中主持:「例如6號(陸浩明),佢口齒伶俐夠親切。邦邦(崔建邦)又係口齒伶俐反應快。又例如阿Bob (林盛斌),外形同風格夠貼地,講嘢大聲大氣,同你老友鬼鬼咁,不過要高雅端莊又未必搵佢。(咪限制咗?)無所謂㗎,有唔同風格先夠獨特嘛。」他指天分重要,但後天努力亦好緊要,可以將勤補拙。
曾擔任多個活動主持的劉錫賢,表示近來主力培訓工作:「喺網上教緊司儀班,教啲網紅講嘢技巧,因為好多都唔夠放,你選擇得做主持呢行,講嘢一定要吸引到人,令人會專注你講嘅內容,做司儀最緊要控制場面同流程暢順,呢啲先係司儀嘅責任,唔係話揸住份稿就得,如果只係照稿讀嘅,你識字就得啦,呢啲只可以叫報幕,同司儀係有好大嘅分別。」他説難忘當年肥姐(沈殿霞)教導:「你要做主持人,唔可以當佢係一份工,要當係終生至愛,每樣嘢都要靠累積,要睇多啲報紙、雜誌、電視同電影,吸收多啲知識先可以掀起話題。」