鬥晒長腿！陳曉華陳楨怡重返大學　回憶返晒嚟

前港姐陳曉華（Hera）、陳楨怡（Celina）在香港都會大學出席明珠台《香港都會大學提供：知識新天地》電視節目啟播記者會時，同樣晒長腿，非常養眼！兩人來到大學校園，都有勾起以前上學的回憶，Hera自爆之前上學都幾曳：「會瞓覺玩電話，因為最長嘅lecture成3個鐘。」在英國讀書的Celina就表示：「因為我讀建築，所以就係去field trip（實地考察）多，試過去莫斯科、印度，試過喺零下30度每日行8公里，眼睫毛都結晒冰。」

讀護理系的Hera說在醫院病房實習了一年半，最難忘是有個小朋友因撞車，搞到隻腳碎骨：「每日經過病房都會聽到小朋友喊，自己都忍唔住匿埋喊。」但她謂亦有很多長期病患者很積極面對病情，故醫院是個很特別的地方。