韓庚老婆「舞」得輸　盧靖姍晒線撐老公！

韓團男團Super Junior前成員韓庚近日孖住內地男星張藝興、王一博等，為內地跳舞真人騷《這！就是街舞》第4季擔任隊長，喺節目中韓庚高調晒愛，講到大家有咩過人之處時，佢竟表示：「我有老婆」，即時「閃盲」眾人。

呢日就輪到其老婆「戰狼女」混血女星盧靖姍出手支持老公，歌手出身嘅佢其實跳舞都有一手，今次就特意拍片大跳街舞，見佢着上白色小背心喺街頭熱舞，大晒小蠻腰及微露線頭，相當養眼，佢仲邀請一大班親友齊齊拍片跳舞為老公打氣，又表示：「你有我，我有你！」認真Sweet到漏。