林奕匡拍MV首現女主角 最期待演親熱戲?
20210917
東網電視
更多新聞短片
![](/hk/bkn/cnt/entertainment/20210917/photo/bkn-20210917200309281-0917_00862_001_01p.jpg?20210917221302)
唱作男歌手林奕匡(Phil)近日推出新歌《關於愛的碎念》,以哲學角度探討情愛問題,並邀得人氣網絡女主持阿慈擔任MV女主角,原來是她首次參演拍MV,令Phil感到驚訝。Phil說:「佢拍嘢拍得多,一睇佢就有種professional嘅感覺,同埋我都好耐未試過MV有女主角,覺得會吸引到多啲男仔睇!」愛開玩笑的阿慈,坦言最期待是拍親熱戲,讓Phil嚇了一跳!女方解釋說:「因為成個MV好artistic、好moody,我期待啲情感爆發嘅戲……」令Phil笑不攏嘴。
MV以白色為主調,一身白色造型配白髮的Phil,坐在半透明的房間內,隔着小屏風聽阿慈訴苦,被問到現實生活中,他們是聆聽者或傾訴者?二人異口同聲指是聆聽者居多,但Phil提到如果要呻訴,會以文字宣洩:「可能係send封email,或者係一封簡短嘅信,我講嘢唔叻,用文字可能會容易啲去表達,寫低心底話。另一個用寫好過用講嘅好處係,無論你想寫畀自己定人哋,甚至鬧人都好,有時你寫完之後,你可能已經覺得嗰條氣順咗,有幾次喺社交平台寫咗一大堆字之後,『呼,算喇!』就delete咗,因為條氣順咗啲啦。」如果現實中要向樹洞訴心聲,Phil說會將對象設定為已離世的家人或朋友:「我覺得要講畀仲喺度嘅人聽嘅話,就不如直接向嗰個人講啦,想講但又唔敢講,唔好咁婆媽。」
好勝鬧喊朋友
歌詞中提及「好勝」,Phil坦言以往好勝,就算玩遊戲都要跟足規矩,甚至試過鬧喊朋友,結果被老婆狠狠地教訓:「歌詞都有講好勝嘅問題,我哋明明想喺埋一齊,我哋都尊重同鍾意對方,但係因為我唔想落唔到台,覺得要面子嘅話,反而係害咗大家。」
阿慈聽歌後亦有所領悟:「我嘅結論係,最緊要係溝通,否則就會後悔,成首歌好似帶住一個好遺憾嘅氛圍,有少少sad咁,覺得『如果當初我有講呢句,件事會唔會好啲呢?』咁樣。」Phil解說其實最重要是取得平衡,假設自己的另一半做錯事,而自己每次都針對對方的話,令雙方相處會更難,但如果不向對方提出問題,又可能會因為不知錯而繼續做,令摩擦變多,就更難去修補,總要有人讓步。