張智霖被爆係人形地拖 最鍾意瞓排舞室

20210917
東網電視
更多新聞短片
藝人張智霖(Chilam)最近亮相內地真人騷《披荊斬棘的哥哥》而人氣急升,新一集一眾哥哥舉行「吐槽大會」,其中Chilam被踢爆係「人肉地拖」,經常瞓喺排舞室嘅地板上,張晉笑言:「張智霖哥哥,訓練累了就立即躺在地板上,化身『人形拖把(地拖)』,只要是你待過的地方,訓練室的地板都很乾淨。」
有網友剪輯咗Chilam嘅影片,見佢的確無時無刻都黐實地板身不離地,有次好友梁漢文叫佢開會,更將瞓喺地上嘅佢直接拖動,真係十足地拖一樣,佢最後仲不顧好友,向後蠕動返回原位繼續瞓,相當搞笑,而有關「張智霖人形拖把」嘅話題亦火速登上熱搜榜。