富家女豪使百萬變劉亦菲 網友靠巨胸認人!

2021年09月18日 11:01
東網電視
更多新聞短片
內地藝人劉亦菲仙氣十足,擁有「神仙姐姐」呢個美譽!有一位鍾意佢嘅粉絲,為咗變到佢一樣,年僅19歲就豪使百萬整容,引起網友熱議!呢位粉絲係來自山東省嘅富家女,佢細細個就好鍾意劉亦菲,跟足偶像學彈鋼琴、跳舞等,去到19歲時佢把心一橫,決定整容成偶像咁嘅樣,就連個名都改埋叫做「李奕霏」,認真誇張!
其實,佢去整容嗰時,醫生都話佢個樣本身唔差,同劉亦菲都有幾分相似,只要郁少少就可以做到6成相似,但佢為咗更完美,即豪使過百萬做手術,又打玻尿酸又紋眉,相當執着。
5年過去,依家24歲嘅李奕霏喺社交網晒出多咗畢業照,留言:「愛情不是生活的全部,學習才是。」原來佢順利完成喺澳洲研究院嘅學業。相中嘅佢大晒好Body,深長嘅事業線同埋胸上嘅痣,都睇到網友流晒口水!李奕霏依家個樣就似足劉亦菲,但身材就一啲都唔似,因為佢仲勁過劉亦菲呀,網友笑言睇心口就知邊個係本尊!
----------------------------------------
世事如棋局局新,娛圈熱話數之不盡,唔想Out、唔想同班Friend冇話題?就一定要留意繽FUN專題嘅「熱話」喇!