高圓圓激罕晒事業線加白滑玉背　網民讚Keep得好！

內地女星高圓圓外表清純亮麗，加上擁有優雅氣質被封做女神！最近密密參演電視劇，以及綜藝節目嘅佢，尋日（17日）好罕有咁喺社交網大晒性感相派福利，睇到佢着上低胸晚禮服，大晒事業線，同埋白滑玉背，火辣程度爆燈！網民讚佢身材Fit到爆，完全唔似已經41歲，留言：「太美了，女神怎麼身材保持這麼好！」有網民就好羨慕佢老公趙又廷有個咁靚嘅老婆，仲搞笑話趙又廷將佢哋嘅女神搶走：「我永遠都無法原諒趙又廷！」

其實高圓圓同老公趙又廷係圈中出名嘅恩愛夫妻，結婚7年都Keep住恩愛，高圓圓仲喺2019年為趙又廷誕下寶貝女，一家三口生活幸福美滿！