再為角色變身!張繼聰操爆肌踢走大肚腩

20210918
東網電視
更多新聞短片
藝人張繼聰最近先啱啱拍完新戲,但係一樣冇得抖,依家又要為下一部戲做準備,不時都要為角色增肥同減磅嘅佢,呢次佢又要收身啦!佢喺社交網晒咗喺Gym房影嘅自拍,睇到赤膊上陣嘅佢,大晒胸肌同腹肌,同之前佢有個大肚腩成強烈對比,佢留言:「究竟我要為角色變幾多次身?最近又要收身…努力中,好想食甜嘢!」
睇見佢又要收身,好友歐倩怡都有留言表示關心:「搞乜啊?又肥又瘦又大隻!」而唔少網民都有留言同佢打氣,仲嗌佢保重身體,亦有網民大讚佢個身形好Fit添!