被粗口問候還錢︱張致恒苦戰3回合 被大J擊倒

2021年09月18日 23:02
東網電視
更多新聞短片
「林鍾大戰」今晚(18日)開鑼,除了鍾培生與林作成焦點外,還有5場賽事,當中包括藝人張致恒(Steven)與網紅大J對打,出場前現場播放Steven的短片,張致恒在片中坦言出場只為了出賽費,並說:「打之前我唔知佢係邊個,亦唔知佢做乜,我出場只係為咗出場費,但係而家我想攞番尊嚴。」不過影片播出時或是他出場的時間,現場都傳出一遍噓聲,更有觀眾講粗口,大叫「還錢呀!」。
第一回合,張致恒一開場就對大J一輪猛攻連番出拳,而大J則採取貴精不貴多的戰術,攻勢較少但準確,擊中了張致恒的頭部。第二回合,雙方都顯得有點疲勞,臨近完結回合前,大J一拳打中張致恆之後,張致恒就隨即跪下。第三回合,兩人亦你來我往一拳接一拳。經過3個回合後,最終由大J勝出!
張致恒的拳賽之前,曾參加ViuTV節目《造美人》的模特兒Kathy(張育玲),與曾參與過《口罩小姐》的ViuTV藝人Ollie(溫穎琦)對戰,3個回合比賽,雙方多次出拳打對方的頭,打得十分認真,但仍被評述指她們似屋企兩隻貓打交,結果由Ollie勝出!主持方力申訪問輸家Kathy,小方爆對方受訪前很緊張自己妝容,Kathy則笑言:「都打完嘛,其實想繼續打。」
另一主持蔡宛珊則訪問Ollie,蔡宛珊問她可擔心打比賽會傷感情?她謂:「反而可能大家會驚我哋留力,但我哋好認真,呢啲係體育精神。」
林鍾大戰就開始,因「主人家」鍾培生嚴禁場內轉播,因此不斷出現捉人情況,就連贊助第二場拳手的網上平台亦不能倖免。最受注目的鍾培生vs林作賽事,已不能在網上觀看。