陳豪魅力不減電力十足！陳茵媺心跳加速：咁係咪正常？

前港姐冠軍陳茵媺（Aimee）同老公陳豪結婚8年，育有3個仔女，但仍然恩愛如初，係圈中出名嘅模範夫婦，日前Aimee同陳豪拍拖過二人世界，佢就喺社交平台上載一張陳豪嘅單人靚仔相，見到陳豪深情嘅眼神同溫柔嘅笑容，佢即刻冧爆發文寫道：「當佢咁樣望住我嘅時候，我仍然會心跳加速，我咁樣係咪正常？」仲hashtag話佢哋仲係處於蜜月期，大放閃光彈！一眾圈中好友如宣萱、楊秀惠、胡杏兒等人，同網友都畀佢哋閃盲，紛紛大讚佢哋好sweet，仲話就嚟畀佢哋sweet到有糖尿病！