「教主」戀愛了?Anson Lo倣效吳卓羲玩網上洩蜜

2021年09月19日 11:03
東網電視
更多新聞短片
男團MIRROR人氣王「教主」Anson Lo(盧瀚霆)人氣極高,私生活成為焦點,呢位教主好識做,不時喺社交網分享家中點滴,尤其與「教母」之間嘅互動,讓「神徒」彷彿一齊生活咁!
尋晚(18號)佢上載咗「教母」住家碟頭飯,唔好睇Anson Lo身形咁Fit,原來好食得,食完一碟唔夠再Encore,非常擦得,仲透露「教母」話佢呢個「飯桶」好難養,認真搞笑。有睇開Anson Lo社交網,都知佢係一個孝順仔,就算工作幾咁繁忙,依然同家人一齊住,盡量抽時間陪伴家人。知道媽媽煮飯咁辛苦,佢唔單止公開答謝對方,仲親自洗埋碗碟,認真廿四孝兒子!
此外,佢仲晒出一張出浴照派福利,浸緊泡泡浴嘅佢依然Chok住帥樣,沖涼都要有偶像包袱!隨後Post咗一個只有Emoji嘅限時動態,係金色男孩心心一個BB圖案,並冇文字附帶,有網友話同早前吳卓羲Tag菊梓喬事件好相似,隨即令網民揣測「教主」係咪戀愛中,而邊個係嗰位幸運兒呢?