開拍《男排女將》第2季？鄧麗欣：反應好令我大壓力

女星鄧麗欣（Stephy）出席公開活動，向大眾宣揚人道精神，寄望身體力行做多點慈善工作，令大家感受多一點愛，認為慈善不一定與金錢掛鈎，只需一個微笑，足令面對疫境中的人很大幫助。

談到中秋節，她表示當日不用開工，計劃與家人燒嘢食慶祝，更指有意買傳統燈籠應節。工作方面，她透露下月將到內地拍戲，將逗留2個月，由於期間有份演出的電影上映，故離港前需預先做宣傳：「仲有啲歌要錄，係電影主題曲，都幾期待，唱呢類歌都幾好玩，因為有份參與個作品，唱嘅時候會有好多拍攝畫面出嚟！（之前套《男排女將》反應好，想唔想再拍？）暫時未有新Project，就係之前反應好令我大壓力，再拍可唔可以超越呢？但我對故事題材冇太大要求，最緊要好啫，好似之前同MIRROR拍劇，當時佢哋都新，但一樣有火花。」