雲浩影集中發展唱歌　搵埋老師學演技

ViuTV節目《全民造星III》雲浩影（Cloud）與劉瑞祈（K Lau）出席公開活動，前者下月將與許廷鏗舉行Music Live，透露正挑選歌曲，由於演出時間長，故也會獻唱其他歌手的歌曲。

談到中秋節，她笑指當日不用開工，會與家人一起慶祝，問到男友可會參與？她說：「都掙扎緊，因為男友都有屋企人，咁應該去邊個屋企先？我屋企就冇咩所謂。（男友已融入家中？）係，所以又唔使一定正日慶祝。（到時會唔會點蠟燭？）細個就會，但到時會玩螢光棒應節。」提到稍後的工作安排，Cloud指目前先集中音樂發展，但也會物色老師上演藝課：「之前梁祖堯喺比賽時都教我好多，大家有保持聯絡。（你同班上其他造星學員聯絡？）都有，不過多數工作上聚舊，因為太多人好難夾到時間，都希望有呢個日子出現。」