父子檔合唱英文歌！杜德偉讚仔仔好淡定

歌手杜德偉（Alex）在中秋節前夕一家三口齊出席「救狗行動音樂嘉年華」以歌聲作義演，Alex更首次與兒子AJ同場獻唱，父子檔合唱《What a Wonderful World》，年僅四歲半的AJ以清脆歌聲博得全場掌聲，完全遺傳了爸爸的唱歌天分。Alex笑言：「搵囝囝一齊演出可以拉勻個年齡界線，潮流興青春偶像，所以我介紹AJ呢位生力軍畀大家認識。」

對於兒子演出獲大家讚賞，他開心地說：「佢幾個月前開始練，有一日我太太播歌氹佢瞓覺，播咗我和爸爸當年（AJ爺爺）合唱過嘅一首英文歌《What a Wonderful World 》後好鍾意，然後AJ就話要學，當時都未話有今次演出，但係佢真係好用心去學唱呢隻歌，精神可嘉！」到兒子的表現，Alex指AJ平時比較怕醜，沒想到上台反而好淡定。而AJ跟現場的狗隻齊齊成為大家的集郵對象大受歡迎。