陳靜徐濠縈鬥晒腹肌　邊個排「朱古力」硬啲？

性感女神陳靜（DaDa）最近密密操Fit Body，不時喺社交網晒成果照，DaDa今日（19日）又嚟料，大玩自拍晒腹肌，4舊腹肌睇落勁硬淨，好似麵包咁！之前佢晒相都唔見樣，今次佢終於畀個靚樣大家睇，見佢做完運動香汗淋漓，皮膚白裏透紅，相當靚女！

另一廂，陳奕迅太太徐濠縈都有喺社交網晒腹肌，佢喺社交網上載幾張相，圖下面寫住7.19KM同7.20KM等數字，應該係呢幾日佢所跑咗距離，跑得咁辛苦，唔怪得咁Fit啦！其實阿除同DaDa排「朱古力」都操到咁有線條美，真係好想知邊個硬啲呀！