中秋慶團圓 熊黛林布置家居陳嘉寶去燈籠店搵回憶

2021年09月19日 20:02
東網電視
更多新聞短片
熊黛林陳嘉寶講起中秋就興奮。
藝人熊黛林(Lynn)、陳嘉寶(Anjaylia)、陳毅燊(ANSONBEAN)與劉沛蘅(Hillary)等在中秋佳節臨近,齊齊送上祝福。育有兩名女兒的Lynn非常重視寓意圑圓的中秋節,今年她會跟寶貝女兒Kaylor與Lyvia布置家居,製作小燈籠、中秋貼紙共度親子時光。她說:「今年中秋節真係好難忘,因為BB之前仲細,未明白中秋節嘅意思,佢哋已經開始慢慢長大,已經明白乜嘢係中秋節,我都有同佢哋講月亮上面有個姐姐叫嫦娥,入面仲有隻兔仔,佢哋好開心,我會教佢哋中秋節嘅傳統習俗,同佢哋過個開開心心中秋。」
雖然已為人妻又是媽媽,但她仍保持適量工作,笑言幸好內地工作延期,令她可以留港和家人度佳節,又說:「我哋係比較傳統嘅家庭,每逢過節都會一家人齊齊整整咁食餐飯,今年更加唔例外會同BB嘅嫲嫲、爸爸媽媽、姑媽一齊大家庭咁過節。」
而年底再生B的Anjaylia和往年一樣陪家人過節,更專誠到老式燈籠店找兒時回憶:「都係同屋企人食飯,食完飯後最開心繼續食,媽咪會整芋頭仔、買咗碌柚、有唔同款式嘅月餅,林林總總,鋪到全枱都係,大人會邊食邊傾偈,小朋友就玩燈籠。」她最難忘是童時有個用玻璃紙做成的宮廷款式燈籠,現想想找回一個一模一樣的贈囡囡,可惜屢尋不獲:「師傅話冇做嘞,最後揀咗小金魚燈籠畀囡囡。」笑言有跟兩女一同製作DIY燈籠,但未過節燈籠已遭「解體」。
今年出道的ANSONBEAN覺得今年中秋最難忘,因為工作需要要keep Fit,所以要戒食節食品,又記得之前外婆最愛將食剩的月餅當早餐。他感恩獲得粉絲愛戴,所以趁中秋精心準備了心意禮物答謝幫助過他的人。
至於正減肥的Hillary預告要破戒食月餅及芋仔應節,笑說:「因為呢個係習俗,最多之後幾日唔食嘢啦。」