升呢做「港普」教父！黎諾懿又獻技玩劇集配音

新一代「港普」達人黎諾懿又再獻「神技」！今次佢就玩劇集配音，佢喺一套自己有份演出嘅劇集入面重新配上普通話，黎諾懿都知自己嘅普通話好難令人聽得明，佢就好貼心咁樣配上字幕。片中對白「難怪你不願意做回警察」，佢就講到變成「南瓜你不願意作回J察」；又把「你想一輩子當蠱惑仔嗎？」就講成「生一杯雞蛋苦瓜子嗎？」

網友睇完都話笑爆嘴，笑指黎諾懿比「港普F4」成員之一嘅蔡少芬更難聽得明：「這種教父級別的沒字幕真不懂」，又有網友留言話「說的很好，沒有字幕的話，我根本聽不懂。」，不過都有網友撐佢說：「還行！」