《愛．回家》開工慶中秋！呂慧儀想同劉丹對親家？

藝人劉丹與呂慧儀今日（20日）出席《愛．回家之開心速遞》的中秋活動，劉丹透露明天（21日）中秋節會跟家人食飯慶祝：「會帶孫女出去，同埋佢嘅同學仔一齊玩燈籠。（有冇幫孫女整燈籠？）今年冇時間整，以前後生就會用碌柚整燈籠。」呂慧儀稱已提早跟兒子一齊燒烤，以及玩燈籠慶祝：「不過就冇玩蠟燭，怕危險，佢見到啲朋友就好開心。」至於中秋正日就要開工，跟同劇的演員一齊做節：「大家每年都會帶月餅同生果返嚟開工，個錄影廠好多嘢食，唔會餓親，係增磅廠。」劉丹笑言廠內的食物夠食1星期。問到兒子劉愷威是否在港？他說：「佢喺內地幾個地方，不過冇所謂，佢好似冇離開香港咁，日日同佢個女視像通話傾好耐。」

呂慧儀曾透露想兒子跟劉丹的孫女認識，但至今仍未有機會約出來玩，呂慧儀向劉丹提議：「不如聽日帶埋我個仔同你個孫女一齊玩，我要開工湊唔到佢。我哋套劇有個媽媽群組，有託兒服務，會幫手湊小朋友，我個仔都大個，所以我好放心將佢交畀人湊。」