石詠莉出新歌 搵33位天使幫拖

2021年09月20日 16:18
東網電視
更多新聞短片
藝人鄧健泓及石詠莉夫妻今日(20日)現身荃灣,出席健康品牌發布會。兩人甫見記者即連聲感恩:「近呢兩年基本上都冇呢啲大型嘅活動,有工開,梗係好開心啦,興奮到要跳高喇。(酬勞呢?)開心價。」
鄧健泓又自爆太太新歌《Rainy Day詠莉日》的MV,邀來33位圈中人包括林家謙、劉威煌及阮兆祥等畫畫:「我淨係送畫具畀佢哋,已經花咗3日時間,收畫就用咗4日,港九新界嘅地方都去晒,多謝呢33位天使嘅幫忙。(畫作跟住點處理?)遲啲會搞個慈善拍賣,籌到嘅錢會捐畀毛孩機構,因為我哋兩個都好鍾意小動物。」
至於之後的工作,鄧健泓坦言稍後會擔任電視劇導演及創作:「之前花咗4晚通宵寫故事大綱,電視台接受咗,如無意外嘅話10月要開工,12月要有第1集,所以呢排忙緊同啲編劇開會,同埋埋緊班。」問到石詠莉可會自薦演出?她爽快回答說:「其中一個單元係我構思嘅,當然我係做女主角啦。(自動減片酬?)一定啦,不過佢返到屋企,啲錢咪又係我嘅,哈哈!」