余香凝陪囡囡打針變跟住一齊喊:媽媽好廢

20210921
東網電視
更多新聞短片
藝人余香凝(Jennifer)的囡囡Clare剛剛4個月大,Jennifer同老公錫到個女燶,當正囡囡係公主,她在社交網上載護士上門幫囡囡打針的短片,她寫道:「要喊就一齊喊啦。」片段中見到她抱住囡囡在大髀,當姑娘準備要打針時,她已經眼紅紅,當2支針一打落去囡囡嘅髀仔,囡囡即刻喊,Jennifer都跟住喊。而片中Clare額頭中間有粒紅點,她笑言女兒變咗「薛家燕」,因為佢搲損咗自己額頭仔。
做媽媽嘅見到女兒要承受打針嘅痛楚,當然心痛死啦,正所謂「打在BB身,痛在媽咪心」,網民都戥她肉痛,甚至有人覺得她比BB仲驚,她也有留言自嘲:「係呀,媽媽好廢。」其實今次已經是女兒打第二針,她說:「以為會好啲,點知都係喊咗,BB叻過我,睇嚟真係要經歷多幾次先慣。」有朋友問點解一齊打2針,她解釋:「因為要打埋腦炎針,total 3針,護士咁打係想BB痛少一次,BB好叻叻。」