王力宏出事後即潛水　范瑋琪開Post被鬧置身事外

台灣天王王力宏近日因為未有遵守7天自主健康管理而鬧出風波，台北市副市長黃珊珊證實王力宏嘅行為已經違規，將依法進行裁處。當日王力宏因由美國返台灣並14日隔離後，即出關同徐若瑄、范瑋琪及丈夫陳建州等飯敍，忽略咗之後再有7日自主隔離，搞到佢同徐若瑄都即刻親自出Post耍冧兼認錯。

相反同枱食飯嘅范瑋琪就被指「潛水」扮冇嘢，連日嚟咩都冇講過，淨係透過經理人致歉，點知得知王力宏真係違規後，佢就從容出Post晒出一張可愛卡通圖片，圖中人物面帶笑容熟睡，上面就寫住「幸福就是…隔天早上不用設鬧鐘」又順帶祝網友可以瞓到自然醒：「中秋佳節平安喜樂。」即被質疑係佢置身事外，見到朋友出事後無牽連到自己就安心繼續出Post。