英國買物業投資　亞姐袁群有擔心淆底想撻訂

《亞洲小姐2021》一眾佳麗今日（21日）參加投資講座活動，乘機向專家請教投資心得。4號袁群有表示上年於英國讀書時，與家人夾份於曼徹斯特購入物業打算作投資，但近來有點擔心故考慮「撻訂」，她說：「上年喺英國讀商科，見嗰邊環境都唔錯，所以決定投資，後來聽啲朋友話，嗰邊疫情嚴重又可能會脫歐，係有啲擔心，不過聽完專家意見後放心晒。」她說本來想繼續於當地讀兩年碩士課程，但疫情令她計劃有變：「疫情嚴重惟有返嚟先，參選亞姐後覺得ATV對我好好，我都好鍾意公司，決定唔返英國啦。（有冇信心贏比賽？）好有信心！」

《亞姐》「班主任」林寶玉也有趁機請教專家關於本港樓市前景，表示考慮置業結婚。問她何時好事近，她即笑稱大家誤會，她說：「只係想先了解吓，唔係結婚，未有拍拖呀！（未拍拖就考慮結婚？係咪有心儀對象？）其實係有人追嘅，不過依家了解中，要睇定啲先考慮開始，因為自己年紀都唔細，都想生小朋友，有仔趁嫩生嘛！（要了解啲咩？睇對方想唔想結婚？）了解吓對方睇法囉，拍拖以結婚為前提，都唔排除閃婚㗎。」