擺盤有意思？軒仔畀遮遮叫暫停？！

歌手張敬軒同工人姐姐「遮遮」嘅生活點滴，已經成為網友追Post嘅動力，早前「遮遮」玩厭煮早餐，之後轉玩擺盤，用食材砌出唔同造型，諗住就算冇「香」同「味」，起碼都有「色」！繼早排「遮遮」用三文魚加兩塊檸檬嚟砌後，今次又嚟料，再次下廚煮三文魚，不過今次冇咗兩塊檸檬，加咗一堆沙律菜拌碟，睇落非常健康！

軒仔喺社交網晒出「遮遮」嘅作品，再配上一個意思係「暫停」嘅Emoji，睇落「遮蔗」個作品，同個Emoji又幾似喎！唔知今次「遮遮」砌個「暫停」Emoji出嚟，係咪有特別意思，唔通想叫軒仔唔好再Share啲食物相、唔好再成日講佢？