熊黛林老公中秋冇影！方媛旗袍Look晒腿冧郭富城

天王郭富城尋晚（21日）中秋佳節晒出書法祝大家花好月圓，而老婆方媛就同兩個愛女着上旗袍，一家四口喺月光前影全家福！而方媛更露出長腿，大騷玲瓏浮凸身材，同城城手執燈籠，之後佢又托頭自拍，非常嫵媚！

另一邊廂，城城舊愛熊黛林（Lynn）就同孖女喺露台合照，露台仲掛滿唔同紙燈籠，間接大晒其位於東半山嘅過億豪宅，可以望住無敵靚景賞月真係令人羨慕，不過老公郭可頌就冇影！