唔再唱悲情歌　曾比特轉玩熱血快歌

環球歌手曾比特（Mike）今日（22日）到觀塘出席中秋活動，講到昨晚中秋節，他透露與家人食月餅慶祝，人月兩團圓，問到何時搵番個女友一齊團圓？他笑言：「以工作為重。（唔恨拍拖？）想事業衝刺吓先。」他透露很快會推出新歌，曲風跟之前兩首悲情歌不同，是熱血快歌，問到可會跳舞？他笑言：「之後先啦。（你跳舞唔得？）我對跳舞冇乜信心，要惡補吓先，都希望未來可以好似師姐陳凱詠咁又跳又唱，佢係我嘅努力目標。」

講到他競逐今年新人獎，問到可有信心？他坦言：「信心一定要有，不過冇刻意諗咁多，平常心面對，最緊要係做自己想做嘅嘢，想將唔同style畀大家睇。」講到他與Edan@MIRROR、張天賦（MC）、ANSONBEAN等競逐新人獎，問到視誰為最大競爭對手？他坦言：「大家都係，大家都係朝住目標奮鬥，係良性競爭，無論我有冇獎或者邊個攞獎都戥佢哋開心，我覺得頒獎禮係大型party，反而覺得enjoy多過攞獎。」