思家大戰︱海俊傑笑老婆係豬　下一秒即衰即耍冧

藝人海俊傑（海仔）同老婆結婚4年，一直感情穩定，但日前海仔竟然公然笑老婆係豬！事緣佢日前上無綫節目《思家大戰》，當中有part遊戲環節，期間問佢條問題，要佢估多數男人會用邊幾種動物形容老婆，點知佢諗都唔諗，一答就係豬，「乘機」形容老婆係豬，全場即刻爆笑！海仔都知衰，當下即刻講：「對唔住，老婆。」又笑言番屋企一定會畀老婆扭耳仔，唔知最後老婆有冇嬲咗佢呢？