Anson Lo新歌半日點擊破39萬　黃偉文自爆填詞被考起

男團MIRROR人氣王「教主」盧瀚霆（Anson Lo），新歌《Megahit》MV尋日（22日）正式出街，估唔到上載咗16個鐘，就已經吸咗成逾39萬「神徒」搶先睇，真係風頭一時無兩。佢仲好識做喺MV入面Chok盡萌樣，又碌人情卡搵嚟鄭欣宜、阿Dee@ERROR等出鏡，真係聲色藝有齊。

不過風光背後都有「辛酸」，填詞人黃偉文（Wyman）就指此曲係「近10年最難寫嘅作品」，因為歌中有好多「Boom Boom Boom」、「Bang Bang Bang」等像聲字，仲要遍布成首歌，Keep得嚟又要中文填詞有意思、有關連，唔怪得佢都直言：「想滿足晒佢所有願望，就辛苦啲都Keep晒所有Boom Boom Bang Bang了（唔只咁，一不做二不休，去盡啲，送多個『乒鈴嘭唥』畀你賀賀佢添）！不敢說成果怎樣怎樣，但都盡力了，希望大家喜歡這個通過『碰撞』而產生進步、產生愛的故事，無論在歌裏歌外。」