林宥嘉大仔開口想要多個妹　丁文琪拋波畀老公

台灣歌手林宥嘉與丁文琪2017年結婚，二人育有一對仔女，一家四口幸福溫馨。丁文琪不時於社交網分享親子日常，尋日（22號）透露3歲大仔「酷比」臨瞓前突然同佢講想再要多個妹妹，因為覺得「妹妹太好笑了」，希望多個妹妹可以3個成為好朋友。囝囝呢個突如其來嘅話題，雖然令丁文琪大為感動，但卻反應唔切，問番囝囝：「你剛剛說什麼？」、「你說我們家再多一個妹妹嗎？」而囝囝每次答案都好肯定地回應。

為咗唔潑囝囝冷水，佢將問題拋番畀林宥嘉：「那我問問看爸爸好嗎？」最後囝囝終於肯瞓，仲好乖咁話要聽住爸爸嘅歌瞓覺。至於會唔會追多個妹妹？丁文琪喺呢個post已講明：「媽媽真的沒有要再生了。」湊成「好」字，睇嚟已經諗住封肚收工，唔知林宥嘉又點睇呢？