古巨基叫囝囝「Kiss燈籠」　小Kuson會點做？

唔經唔覺，古巨基囝囝Kuson已經一歲幾，自囝囝出世後，基仔呢位廿四孝爸爸將全副心機放喺個仔身上，中秋節剛過，基仔就喺社交網分享短片，話Kuson收到人生第一個燈籠，見個兔仔燈籠非常可愛，令Kuson愛不釋手，基仔就拎住呢個識發光嘅燈籠叫Kuson：「Kiss Kiss小兔一啖！」Kuson乖乖照做，又望住燈籠笑得好開心，不過基仔就話唔知囝囝諗緊乜，而佢就猜測：「Hello Bunny！Hello 燈燈！Kiss Kiss Bunny！I boo Bunny！」網民話見到Kuson個樣真係好治愈，又話Kuson愈大愈似基仔添！