複式單位無敵大海景！江若琳西貢千呎豪宅曝光

藝人江若琳早前宣布由前名「江伊晴」改回舊藝名，近日又開設個人影片頻道，首部影片就大方公開位於西貢嘅複式豪宅。片中見佢素顏上陣，記錄自己一日嘅生活！佢行勻全屋，當中包括睡房、套廁以及開放式廚房等，當中最特別嘅就係，佢老公所養嘅錦鯉紅龍「蕭當紅」，據知呢個Size嘅紅龍起碼8萬元起跳，價值不菲。

之後佢又公開複式樓梯位置，加埋天台，估計係兩層單位連天台豪宅，目測過千呎！佢透露天台係老公嘅小天地，設有小溫室擺放大量盆栽，離遠更清楚望到無敵海景，環境相當唔錯。其實江若琳入行初期曾窮得戶口只剩58元，及後又與前經理人公司鬧出合約風波，需撲水應付龐大官司費，幸好苦盡甘來，下嫁「生煎包王」蕭唯展，過住幸福少奶奶生活。