「港姐冠軍」宋宛穎與生父斷聯絡 揀男人要揀顧家男

2021年09月24日 00:02
東網電視
更多新聞短片
應屆香港小姐冠軍宋宛穎、亞軍梁凱晴與季軍邵初,昨日在將軍澳電視城接受東網專訪。來自「選美世家」的中、葡混血兒宋苑穎,媽咪文寶雪是澳門小姐亞軍,父母在她4歲時離婚,她與孖生妹妹由媽咪一手撫養成才。
她坦言近5、6年與父親沒有聯絡,但相信對方知道她當選:「唔會特別聯絡,佢都冇特別關心過我嘅生活。」兩父女不相往來,但她未有對爸爸懷恨,因從小已明白父母分開:「媽咪照顧得我哋好好,雖然屋企冇父親,但家庭幾圓滿,唔覺得有缺陷。」又指沒有父親陪伴成長感遺憾是自己過於早熟獨立:「細個作文冇得寫我的父親,要寫媽咪,媽咪係我嘅英雄同無所不談嘅朋友。」
梁凱晴口味相同
3位港姐均自稱沒有男友,宋宛穎揚言選擇另一半時,不會受父母離異影響:「擇偶條件要孝順、有責任心同上進,有個100分嘅典範就係陳豪,佢係好爸爸、好老公,又好錫老婆,將來搵老公都想似佢。」雖然飛上枝頭,但她沒有飄飄然,亦沒想過嫁入豪門做少奶奶,希望靠自己做個好演員。
梁凱晴同樣視陳豪為「男神」,大讚他善良顧家。喜歡超級英雄電影的她,最愛「神奇女俠」一角,希望將來有機會拍動作片。至於邵初被指有「後台」才得獎,她坦言感委屈,強調屋企只是普通家庭,家人不認識邵氏及高層曾志偉,更說:「如果有後台,選美之前就唔使咁努力做嘢啦!」