唔輸趙薇！高海寧突變「最美女光頭」

無綫咪神高海寧（高Ling）近年不斷挑戰自己屢試新造型，不但剪成剷青短髮，早前喺劇集《七公主》仲連Cosplay都玩埋，相當破格，呢日佢再次突破自己，竟然「剃光」驚變「女光頭」！佢喺社交網上載多張光頭相，即嚇窒唔少網民，不過唔使擔心，其實佢只係戴頭套為新劇試造型，佢留言表示：「新劇造型，發現自己光頭有點帥，不試一下光頭不知道自己頭型這麼好看。」

其實以往唔少一線女星包括范冰冰、趙薇等曾經試過光頭造型而引起熱議，今次「光頭版高Ling」獲網民大讚五官精緻，即使冇頭髮顏值都絲毫不減，仲封佢為「最美女光頭」！