王家衛新劇曾Foul走吳亦凡　邊啲女星險遭「毒手」

由王家衛擔任監製及總導演、內地演員胡歌主演的重量級劇集《繁花》，成為萬眾矚目嘅新片，早年就傳過王家衛搵嚟當時依然人氣當旺嘅吳亦凡參演，不過導演有先見之名，未有採用流量明星，否則依家涉嫌強姦罪而被內地警方正式拘捕會令新劇「胎死腹中」。一向出名識用人嘅王家衛，一直僅公開搵咗胡歌做男主角，近日劇中多位女性主演陣容終於曝光。

喺浙江衛視舉行嘅秋季招商會上，現場曝光嘅招商片段中首次提及《繁花》，更介紹包括馬伊琍、唐嫣、辛芷蕾等女主演，有好戲之人亦有養眼演員，名單公布後令人更期待新劇播出。有網友就指幸好導演最後棄用吳亦凡，否則劇中多位女主演、甚至女配角都有機會成為吳亦凡嘅「選妃」List之中，到時後果就更加不堪設想！