幼稚園爆發︱李元元發燒狂喊　原因竟然唔係病！

藝人李璨琛、3歲囡囡李元元（Lucy）月頭正式入讀幼稚園，媽媽Sophia第一日送Lucy返學，喊嘅竟然唔係Lucy，而係媽媽，睇得出佢有幾咁鍾意返學啦！開學大半個月，近日多間幼稚園爆發上呼吸道感染，而向來肥嘟嘟嘅Lucy亦不敵病魔倒下，今日（24號）Sophia透露Lucy發燒未能返學，直擊囡囡喊到眼都腫埋，認真陰功。喊唔係因為唔舒服，而係因為冇得着自己嘅靚裙出席學校生日會，Sophia留言話：「發燒冇得返學仲要今日係學校生日會可以着自己裙裙，有人表示好傷心 #精神狀態極度良好 #大家不用擔心」唔少網民祝Lucy早日康復。