同宋仲基爭獎　劉俊謙平常心面對：有提名已經開心

藝人劉俊謙出席《東方表行60周年沙田錦標「時尚煲呔賽馬日」》宣傳活動，期間獲大會送贈煲呔，他說一直不懂如何打煲呔，更會上網極速學習。

談到憑ViuTV劇集《二月廿九》衝出香港，入圍今屆釜山電影節「亞洲內容獎」最佳男主角五強，謙謙對此表示開心：「都係啱啱收到消息，對手宋仲基、李帝勳、堺雅人全部都係我偶像，身邊啲媽媽級、妹妹都好鍾意宋仲基，所以能夠一齊提名好榮幸。（會唔會出席頒獎禮？）如無意外應該出席唔到，因為到時要拍劇，都可惜，但冇辦法，希望可以安排到視像拍啲片播啦。（心情緊張？）平常心，有提名已經開心。」更指晚上將與女友蔡思韵食飯慶祝，並要求對方向他送驚喜。

即將為新劇《940920》開工的他，透露故事仍會以穿越為主線：「今次我會一人分飾兩角，冇試過，所以都幾期待。」