黃嘉樂1個月勁減22磅　畀劉思希色誘「吃豆腐」

藝人劉思希於無綫劇集《我家無難事》中，第6度再做有錢女，劇中飾演唐詩詠妹妹「冰冰」，雖然是富家女，但打扮相當奇怪，更戴上一個又厚又多圈圈的眼鏡，造型搞笑。劉思希剛剛出場，更對黃嘉樂「嗒糖」，之前她更大爆有多場色誘黃嘉樂的場口。而昨晚（23日）一集中，說到她被「肥志摩」呃錢呃感情，爭持之時黃嘉樂替她解圍，之後劉思希打算冷靜一下走到海中心，怎料差錯腳，黃嘉樂以為她自殺即時落海救他，於岸上黃嘉樂緊張問劉思希：「使唔使人工呼吸？」劉思希即謂：「要呀！要呀」不過今次黃嘉樂沒有「中計」。

而獲網民大讚靚仔的黃嘉樂因要拍剝掉身上濕了的衣服而大騷胸肌、腹肌，劉思希看見更想入非非，相當搞笑。黃嘉樂接受東網訪問時表示原先不知道有這場剝衫戲，當時正值疫情期間，監製王心慰突然通知他有這場戲，於是他既健身又跑步，於1個月內極速減掉22磅，相當犀利。不過，自此之後黃嘉樂似乎操肌操上癮，不時於社交平台放上大隻爆肌相，一雙麒麟臂相當養眼。